Во возбудлив натпревар фудбалерите на Јувентус успеаја со играч помалку да го совладаат тимот на Лајпциг со резултат 2:3 во второто коло од Лигата на шампионите.

Италијанскиот клуб имаше проблеми уште од самиот старт на мечот, бидејќи Бремер мораше да го напушти теренот поради повреда во шестата минута, а шест минути подоцна се повреди и Гонзалес, па и тој мораше да биде заменет. Утрото стигнаа официјалните информации за состојбата со овие играчи, а тие не се добри.

– Утринава Бремер и Гонзалес беа подложени на дијагностички прегледи, кои покажаа повреда на предните вкрстени лигаменти на левото колено на Бремер, додека Гонзалес беше потврдена дека има повреда на бутниот мускул на десната нога – се вели во соопштението на Јувентус. дека на Бремер ќе му биде извршена операција во наредните денови.

Тоа е тежок удар за тимот од Торино со оглед на тоа што Бремер ги започна сите осум дуели во сите натпреварувања оваа сезона и ги одигра сите минути.

Тој пристигна во Јуве од градскиот ривал Торино во летото 2022 година и постигна осум гола на 91 натпревар.