Заврши „Ролан Гарос“ за најдобрата тенисерка на светот
Поради повреда Ешли Барти беше принудена многу рано да го заврши настапот на грен слем турнирот во Париз, „Ролан Гарос“.
Препорачано
Австралијката и воедно прва тенисерка на светот при резултат 1:6 и 2:2 денеска го предаде мечот од второто коло против Магда Линет од Полска.
Во другите мечеви во женска конкуренција, петтата носителка Елина Свитолина од Украина со 6:0 и 6:4 за еден час и 15 минути игра ја елиминираше Ен Ли од САД.
Изненадување приреди Американката Слоан Стивенс која ја совлада чешката натпреварувачка и деветта носителка Каролина Плишкова со 7:5 и 6:1. Успешни беа уште Костјук, Мухова, Пегула, Џабир, Кенин, Крејчикова, Грачева и Сакари.
Имаше две изненадувања и кај мажите, Швеѓанецот Микаел Имер кој е 105 на АТП листата со 3:1 по сетови 6:0, 2:6, 6:4 и 6:3 триумфираше над 14 носител Гаел Монфис од Франција.
Настапот го заврши и Русинот Аслан Карацев (24 носител) кој со 6:3, 7:6 (4), 4:6 и 6:1 беше поразен од Германецот Филип Колшрајбер (АТП, 132). Победи забележаа уште Квон Соонвоо, Шварцман и Мусети.
