Затворски полицаец завршил со расеченица на главата откако затвореник, на кого му наредил да му го даде телефонот што го имал, го нападнал со стаклена чаша, соопшти МВР.

„На 19.03.2025 година во 09:32 часот во СВР Штип било пријавено дека во КПУ Затвор-Штип било нападнато службено лице, кое што потоа дошло во просториите на СВР-Штип и пријавило кривично дело по чл.144 ст.4 од КЗ на РСМ. Според пријавеното, истиот ден околу 09.00 часот, додека пријавителот бил на своето работно место во КПУ Затвор-Штип заедно со други затворски полицајци, откако на осуденик му издал наредба да го предаде мобилниот телефон, бил вербално нападнат од истиот со закани по неговиот живот и животот на неговото семејство, по што осуденикот со стаклена чаша го удрил пријавителот во пределот на главата, нанесувајќи му телесна повреда-расекотина. За настанот е запознат јавен обвинител од ОЈО-Штип и се работи на расчистување на случајот“, велат од МВР.