Познат синџир на продавници за облека во Хрватска е затворен поради заостанати кирии. „Фортенова“, чии простории ги закупува синџирот, ги сменила бравите, дознава репортерката на Телеграм, Силвана Менѓушиќ, објави Даница.хр.

Мида Модијана со години не плаќал кирија или комунални трошоци за просториите во кои се изнајмени, не само во Хрватска, но и во Словенија и Србија. Според информациите на „Фортенова“ долгот се искачил на неколку милиони евра.

„Причината е долгогодишното континуирано неисполнување на договорните обврски од страна на закупецот Модијана кон компаниите кои работат во рамките на групацијата Фортенова – Конзума плус во Хрватска, Меркатор во Словенија и Србија. По неуспешен обид за подмирување на долгот, донесена е деловна одлука на ниво на целата групација Фортенова за раскинување на договорот за закуп и активирање на договорната опција за враќање во владение на деловниот простор“, одговараат на барањето на Телеграм од „Фортенова“.

„Станува збор за вкупно 25 локации на територијата на Словенија, Србија и Хрватска кои се предмет на договорен однос, а компаниите однапред го известиле закупецот за нивните планирани дејствија“, наведуваат оттаму.