Државата Западна Австралија најави дека ќе ја ограничи продажбата на алкохол, со цел да не се трошат резервите со алкохол кој сега е потребен за производство на средства за дезинфекција.

Целта е да не се трошат ресурсите на полицијата и итните служби и да не се наметнува дополнителен товар врз здравствениот систем.

Со ваквата мерка, секој граѓанин ќе може да купи најмногу комбинација од два производа: пакет пиво и прехрамбена киселина или мешани алкохолни пијалоци, пакет со три шишиња вино, еден литар жесток алкохолен пијалок или еден литар ликер.

Тоа е прва држава во Австралија која ја ограничи продажбата на алкохол. Властите соопштија дека ограничувањата се насочени кон намалување на големата потрошувачка и проблемите поврзани со алкохолот во период на пандемија на коронавирусот.

Мерките ќе бидат во сила две недели, а би можеле и да се продолжат.