Развојот на вештачката интелигенција (ВИ) им се заканува на 8,4 милиони работници во Италија, заклучува студијата објавена од Конфедерацијата на италијанските занаетчии (Конфарартиџианато).

Студијата наведува дека 36,2 отсто од работната сила во Италија „ќе ги трпи последиците од процесот на технолошка трансформација и автоматизација“, пренесува АНСА. Најзагрозен регион во Италија е Ломбардија, а потоа Лацио.

Претседателот на Конфедерацијата на италијанските занаетчии, Марко Гранели, сепак смета дека напредокот во развојот на вештачката интелигенција не треба да предизвикува страв. „Не треба да се плашиме од вештачката интелигенција, туку да управуваме со неа како вешт мајстор“, тврди Гранели. Слично истражување во Германија, Франција и Луксембург покажа дека дури 60 отсто од работниците се загрозени од напредокот на вештачката интелигенција, пренесува Танјуг.