Околу 20.000 луѓе ќе бидат опфатени со новиот закон за сезонско вработување, а пратеникот на ВМРО-ДПМНЕ Бојан Стојановски вели дека се очекува со него да се реши голем дел од сивата економија. Според него, од законот корист ќе имаат и работниците и газдите, а државата ќе оствари поголема наплата на придонесите и даноците.

– Нашите пресметки и претпоставки се дека приближно 20 илјади луѓе ќе потпаднат под тој регулаторен систем, а со тоа се решава проблем што е присутен во македонското општество веќе 34 години – рече Стојановски.

Според Давид Оберхубер од Германското здружение за меѓународна соработка, кое донира средства за развој на системот за регистрација на сезонски работници, овој закон би можел значително да ја намали неформалната работа и да ги зголеми државните приходи.

– Оваа реформа им служи на сите. Работниците добиваат права и заштита, работодавачите имаат корист од полесен и законски начин за исполнување на работните барања, а државата гледа зголемување на јавните приходи – рече Оберхубер.

Според Марија Ристеска од Центарот за истражување и креирање политики, со овој закон, работодавачите ќе можат да ги регистрираат работниците насекаде со лесна за користење апликација, што ќе ја обезбедиме потребната флексибилност за регистрација и одјавување од привремена и сезонска работа.
Законот ќе стапи на сила на 1 јануари 2026 година и ќе им овозможи на сите вработени или невработени лица, студенти и пензионери да работат сезонски работи без да ги изгубат своите приходи.