Зајн бесен поради Греми: Таму важат само митото и корупцијата!
Поранешниот член на популарниот бенд „One Direction“, пејачот Зајн Малик, во јануари оваа година го објави својот трет студиски албум „Nobody Is Listening“. Но, истиот, според стручното мислење на Академијата за снимање, не заслужи да биде номиниран за престижната музичка награда Греми.
Препорачано
Оваа одлука на Академијата многу го налути англискиот пејач, кој се огласи преку својот Твитер профил.
„Во бестрага и Греми и сите кои на било кој начин се поврзани со нив! Таму важат само митото и корупцијата! Доколку не се ракувате со „вистинските“ луѓе и не им испратите подароци, нема да добиете номинација. Следната година ќе ви испратат корпа со слатки“, напиша видно разочараниот пејач.
Ниту неговите први два албуми „Mind Of Mine“ од 2016 и „Icarus Falls“ од 2018 година не беа номинирани за Греми наградите, иако беа меѓу најслушаните, а тоа е факт со кој пејачот не може да се помири.
Да се потсетиме, неодамна за Греми наградите реагираше и канадскиот пејач The Weeknd. И тој оваа година остана без номинација, иако неговиот албум „After Hours“, ги воодушеви критичарите и публиката.
