Украинскиот претседател Володимир Зеленски и неговите западни спонзори немаат волја за мирно решавање на конфликтот во Украина, додека нивниот курс на конфронтација со Русија останува, изјави денес портпаролката на руското Министерство за надворешни работи, Марија Захарова.

„Ова убедливо го покажува недостатокот на политичка волја на Зеленски и неговите западни спонзори за мирно решавање на конфликтот. Без оглед на тоа какви таканаречени мирни изјави даваат, нивниот курс е јасен – тоа е курс кон продолжување и намерна ескалација на вооружениот конфликт со Русија. Како што гледаме, тие го одржуваат овој курс по секоја цена“, рече Захарова на прес-конференција, објави РИА Новости.

Таа рече дека украинскиот режим не бара деца наводно киднапирани од Русија за време на конфликтот, наведувајќи дека Зеленски само „игра на картата на децата“ со тоа што не дава никакви информации за нив.

„Ако режимот во Киев има информации за десетици илјади украински деца, зошто тие сè уште не се објавени? Тие ги објавуваат личните податоци на децата, особено (украинската веб-страница) Миротворец го прави тоа редовно. Зошто не објавуваат информации за децата што наводно ги бараат? Затоа што играат на картата „деца““, рече Захарова.