Портпаролката на руското Министерство за надворешни работи, Марија Захарова, денес изјави дека иницијативата за размена на притворени лица од голем обем, по 1.000 лица од секоја страна, ја презентирала руската делегација на преговорите со Украина во Истанбул.

„Би сакала уште еднаш да нагласам, бидејќи имаше многу прашања: ова беше руска иницијатива, предложена од шефот на руската делегација, во врска со размената на притворени лица, па затоа никој од која било друга страна нека не се обидува да си ја преземе заслугата за ова“, истакна Захарова.

Таа потсети дека за време на преговорите на 16 мај во Истанбул беа постигнати и други важни договори.