Џејк Анџели, односно Џејкоб Ченсли, демонстрантот кој вo средата упадна во американскиот Конгрес, а со својот специфичен изглед предизвика големо медиумско внимание, веќе е во притвор.

Анџели упадна во објектот гол до половината, а носеше наметка од крзно и рогови, што го направи еден од најфотографираните демонстранти. На лицето му беше исцртано американското знаме.

Поради пандемијата, Анџели го имал првото рочиште преку телефон, а му е одреден притвор до 15. јануари.

На рочиштето, неговиот адвокат, Џералд Вилијамс, изјавил дека Анџели не јадел уште од моментот на апсењето, наведувајќи дека неговиот клиент има ограничена исхрана, но не е сигурен дали е од верски причини.

Надвор од судската зграда, Марта Чесли, мајката на Анџели, ја открила вистинската причина поради која нејзиниот син одбива да јаде во притвор.

„Многу му се лоши кога не јаде органска храна. Тој мора да јаде“, изјавила таа.

Имено, Ангели е следбеник на бизарната теорија на заговор Кјуанон, според која се верува дека тајна елита киднапира деца и сака да ја преземе власта во светот.