Премиерот Зоран Заев и австрискиот европратеник Андреас Шидер на денешната средба ги поздравија политиките на дијалог и констатирано дека е потребно сите политички субјекти да овозможат ефикасност на Парламентот со цел реализација на реформските процеси важни за европските интеграции, како и решавање на потребите на граѓаните во здравството, економијата и други важни области, соопштија од Влада.

Премиерот Заев го информира Шидер дека Владата е силно посветена на владеењето на правото и на неселективна борба против криминалот и корупцијата, како и на почитување на еднаквоста во државата во сите сегменти од општественото живеење.

Тој изрази благодарност до Европскиот парламент, земјите членки на Европската унија и до Австрија за поддршката што ѝ ја даваат на нашата држава во процесот на евроинтеграциските аспирации.