Заев: Ќе продолжиме да правиме сѐ за лицата со Даунов синдром и за лицата со друга попреченост
По повод Меѓународниот ден на лицата со Даунов синдром, премиерот Зоран Заев на својот фејсбук-профил напиша дека ќе продолжат да прават сѐ за лицата со Даунов синдром и за лицата со друга попреченост и оти секогаш ќе бидат заедно со нив.
По повод Меѓународниот ден на лицата со Даунов синдром, премиерот Зоран Заев на својот фејсбук-профил напиша дека ќе продолжат да прават сѐ за лицата со Даунов синдром и за лицата со друга попреченост и оти секогаш ќе бидат заедно со нив.
– Денеска е Меѓународниот ден на лицата со Даунов синдром кој оваа година се одбележува со повикот сите заедно да се посветиме на поврзувањето со овие лица, со овие наши сограѓани, и секој од нас да создаде услови лицата со Даунов синдром да бидат прифатени во општеството и да учествуваат во сите сфери во заедницата, врз еднакви основи како и за сите други. Ова е особено важно во време на КОВИД-19, и затоа Владата и нејзините политики, како и нивното спроведување преку надлежните институции, е целосно посветена и во согласност со овие препораки на светско ниво, како меѓународно признаено универзално право на секоја личност, вели Заев во објавата.
Токму затоа, посочува тој, гордо и со исклучително задоволство тврдам, дека ги прифативме и со огромни чекори ги спроведуваме европските напредни практики и ја менуваме свеста преку мотивот- едно општество и исти права за сите.
– Креиравме одржливи политики во основниот систем за поддршка и вклучување на лицата со Даунов синдром и за лицата со други попречености во здравството, образованието и социјалната заштита кои предничат во регионот. Ги зајакнавме стручните служби во училиштата кои работат со учениците со попреченост, како од аспект на обезбедување доволен број наставници, специјални едукатори и рехабилитатори, педагози и психолози, така и од аспект на подигнување на нивната стручност преку континуирани обуки и тренинзи, истакнува тој.
Заев во објавата напоменува дека системски се ангажирани над 300 образовни и лични асистенти, кои заедно со сите останати членови на инклузивниот тим од кој дел се и самите родители, им помагаат на децата со Даунов синдром и со други попречености, полесно да ги совладуваат образовните процеси и сите останати предизвици за независно и самостојно живеење.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот