Научниците од КУ Левен во Белгија направија важен чекор кон индустриското производство на панели кои можат да извлечат зелен водород од воздухот.

По тестирањето на неколку прототипови, тие сега се подготвени за следниот чекор: индустриско производство. Се надеваат дека до 2030 година ќе можат да постават панели на покривите на куќите Водородот е најмалиот и најлесниот од сите хемиски елементи и има посебно својство: пренесува енергија. Може да складира и произведува и електрична и топлинска енергија.

„Водородот ќе биде важен како енергетско решение на иднината“, рече истражувачот Јан Ронге од КУ Левен.

„Може да се користи за различни работи, на пример за тежок транспорт, индустрија и итни генератори на електрична енергија“, објасни тој за Бриселс Тајм, објави хрватскиот Т портал. Исто така, водородот не испушта стакленички гасови или токсични материи кога го користите. Условот е да произведувате водород со чиста енергија.