Во петокот околу 14 часот на аеродромот „Никола Тесла“ била избегната трагедија.

Летот FZ1746 од Белград до Дубаи можел да биде прекинат само неколку минути по качувањето на патниците, бидејќи авионот премногу доцна се одвоил од пистата. „Боингот 737-8 МАКС“ го прелетал прагот на пистата на висина од само неколку метри.

Српски Објектив пишува дека патниците не биле ни свесни дека нивните животи се во опасност, иако авионот почнал да полетува невообичаено бавно, по што прелетал покрај пистата на височина помала од 10 метри.

„Иако пилотите го пресметале полетувањето користејќи ја целата должина на пистата, која е 3.000 метри, поради некоја причина тие не полетале од нејзиниот почеток, туку од место еден километар подолу по пистата, во правец на автопатот. Трагедијата беше избегната во последен момент, бидејќи авионот едвај ја прелета заштитната ограда и можеше да заврши на автопатот во близина на аеродромот“, рекол изворот, пренесува српски Курир.