За случувањата на ектерниот испит по англиски јазик ДИЦ ќе дискутира на Државниот матурски одбор
За случувањата во однос на вибер-групата и споделувањето прашања и одговори за време на изведување на испитите ќе се дискутира на Државен матурски одбор, како највисок орган за реализација на државната матура. На состанокот, членовите на ДМО ќе се произнесат дали и какви санкции ќе има по сите инволвирани во нарушувањето на процесот на реализација на државната матура. Став на ДИЦ е испитот по Англиски јазик да не се поништи за сите оние кои ги почитувале правилата за изведување на државна матура, наведуваат од Државниот испитен центар, откако Министетството за образование и наука побара да ја лоцираат одговорноста за полагањето на вториот екстерен испит по англиски јазик во саботата
Препорачано
ДИЦ посочуваат дека најпрофесионално во рамките на своите надлежности ја спровеле државната матура, а тестовите биле навремено изготвени и дистрибуирани до училиштата.
Во однос на претстојните интерни испити од државната матура, кои ги организираат училиштата, ДИЦ посочува дека се надлежни училишните комисии.
Државниот испитен центар апелира да се почитуваат процедурите за спроведување на интерните испитите во рамките на државната матура за кои се одговорни училишните матурски комисии.
Во однос на укажувањето на МОН денеска, дека државната матура треба да се полага во големи простори – сали и холови, ДИЦ одговори дека „години наназад апелирал до Министерството за образование и наука државната матура да се спроведува во голем простор, за што е дискутирано и на Државен матурски одбор“.
За жал, овие измени оваа година не се реализираа, но ставот на ДИЦ е дека од наредната година државната матура мора да се реализира во голем простор и со вклучени блокатори, соопшти Државниот испитен центар.
Тестовите од државна матура не се пробиени туку споделени- вели ДИЦ
Министерството за образование и наука претходно го задолжи Државниот испитен центар да ја лоцира одговорноста меѓу учесниците во спроведувањето на државната матура за, како што наведува „направениот пропуст при полагањето на вториот екстерен испит по англиски јазик“.
Иако тестот не им бил достапен на учениците пред полагањето, односно истиот е споделен меѓу матурантите преку апликација за електронска комуникација за време на самото полагање, сепак, тоа е пропуст кој никако не требало да се случи и повлекува соодветна одговорност. По добивањето на информациите од ДИЦ, тие ќе бидат споделени со јавноста, соопшти МОН.
