Ново детско игралиште со современи реквизити за забава на децата е изградено во населеното место Црешево во општина Гази Баба. Градоначалникот Бобан Стефковски вели дека е уреден просторот каде порано редовно се создавала дива депонија.

Местото на кое се изгради новото детско забавно катче многу често во минатото претставуваше простор на кој се создаваше дива депонија, а истото денес е комплетно уредено со павер елементи, поставена е урбана опрема и изградено е ново детско забавно катче, вели градоначалникот.

Од Општината информираат дека ова е 50-то детско забавно катче кое општината го има изградено во изминатите три години од мандатот на Стефковски. Детски игралишта добија и најмладите во Автокоманда, Железара, Керамидница, Триангла, Маџари, Ченто, Стајковци, Инџиково, Трубарево, Гоце Делчев, Колонија и други населени места.