Октомвриската инфлација достигна 19,8 проценти, што значи дека за толку проценти се зголемиле трошоците за живот во однос на ланскиот октомври. Само за еден месец пак, во октомври во однос на септември трошоците за живот се зголемиле за 1,4 проценти.

Податоците од Државниот завод за статистика покажуваат дека за една година, храната поскапела за дури 32,4 проценти! Поскапување на годишно ниво има и за транспортот за 14,7, облеката и обувките за 2,8, домување, вода и струја за 19,8 проценти.

Инфлацијата во Македонија е највисока во регионот. Најниска е во Словенија која во октомври на годишно ниво била 9,9 проценти, а храната за една година поскапела за 17,2 проценти.