Вупи Голдберг се врати во шоуто „The View“ по контроверзните изјави за холокаустот: Ми недостасувавте
Американската актерка Вупи Голдберг беше суспендирана на две недели од емисијата „The View“ на „ABC“, која ја води, бидејќи изјави дека холокаустот не се заснова на расизам, а сега повторно се врати и тоа два дена пред завршувањето на суспензијата.
Препорачано
„Па, здраво, добредојдовте во „The View“. И да, се вратив. Ми недостасувавте сите“, им порача Голдберг на гледачите и на ко-водителите на почетокот на емисијата. „Морам да ви кажам дека има нешто чудесно да се биде во ваква емисија, бидејќи ние сме „The View“ и тоа е она што го правиме. И понекогаш не го правиме тоа толку деликатно колку што можеме“, продолжи таа.
„Еј-Би-Си“ ја суспендираа Вупи Голдберг: Контроверзната изјава за Холокаустот предизвика бура
„Но, потребни се пет минути за да се добијат важни информации за теми. И тоа е она што се трудиме да го правиме секој ден. И сакам да им се заблагодарам на сите што ми подадоа рака додека ме немаше“, додаде таа.
View this post on Instagram
„И ви велам, луѓето ме нападнаа поради работите што ги кажав: „Чекај, чекај, што?“. Тоа беше неверојатно. Слушав се што имаа да ми кажат, бев многу благодарна. Се надевам дека и во иднина ќе се водат сите важни разговори бидејќи ќе продолжиме да ги одржуваме“, рече таа.
Реакциите за нејзиното враќање, пак, беа главно негативни, а многу луѓе на социјалните мрежи велат дека не треба да се враќа.
„Подобро да не се вратеше“, „Треба да се каже вистината. Загрижени сме за изнесените невистини“, „Само нејзините колеги се среќни што се врати, никој друг“, се само дел од коментарите на револтираните гледачи.
View this post on Instagram
Да потсетиме, темата за холокаустот беше покрената во емисијата по одлуката на училиштето во Тенеси да го исклучи од наставната програма романот „Maus: A Survivor’s Tale“ од 1986 година, кој зборува за нацистичките логори од Втората светска војна. Меѓу другото, Вупи рече дека холокаустот нема никаква врска со расизмот.
„Се работи за белата надмоќ. Тие извршија злосторства против Евреите и Ромите“, рече нејзината колешка Ана Наваро, на што Голдберг рече дека тоа се „две групи белци“.
