Српскиот претседател Александар Вучиќ вечерва повтори дека сите оние кои поседуваат нелегално оружје од утре можат да го предаваат во полициска станица „без какви било прашања и последици”и порача дека нелегалното оружје секако ќе биде пронајдено, а оној кој не го предава доброволно ќе се соочи со сериозни казнени последици.

-Од утре го одземаме нелегалното оружје. Имате месец дена рок да го доставите во полициска станица и оружјето и муницијата без какви било последици, никој нема да ве праша ни од каде, ни како, ни што, само донесете го и оставете го, рече Вучиќ во гостувањето на РТС.

Тој информираше дека вчера во две шатроски крила зад зграда биле пронајдени повеќе автоматски пушки и 650 куршуми. Вучиќ, како што кажа, очекува одговорност од луѓето.

Смислата на оваа акција, објасни тој, е во меѓувреме во Собранието оди овој предлог и се зголемува казната затвор за нелегално оружје, а после тоа, вели, „полицијата упаѓа”.

 

-Ако ви се исплати за нелегално држење на три куршуми да добиете 5, 10 или 15 години робија, нема проблем, направете си го тоа самите на себе. Тоа е многу глупава одлука. И нема да има не знаев, ми остана од војната, од тетка ми, од тако ми или дедо ми, рече Вучиќ.

Втората мерка што ја најави српскиот претседател е драстично 90-процентно намалување на лелаглното оружје. Лицата кои имаат дозволи за оружје, најави дека ќе се контролираат најмалку еднаш годишно, а кога ќе добијат повик ќе треба да се јават во рок од 48 часа.

Од утре, како што кажа во гостувањето, ќе бидат засилени полициските патроли кај училиштата и трговските центреи, а полицајците во училиштата ќе бидат добро вооружени и спремни да одговорат. Според него, полицајците ќе го намалат врсничкото насилство за 70 до 80 проценти.

Во однос на оставката од министерот за образование Бранко Ружиќ, рече дека разговарал со него, но најави дека до крајот на мај ќе има интересни политички случувања.