Вучиќ му пиша честитка на Путин за Денот на Русија: Уверен сум дека пријателските односи ќе продолжат да се развиваат
Претседателот на Србија, Александар Вучиќ, денеска му упатил честитка на рускиот лидер Владимир Путин по повод Денот на Русија, национален празник во оваа земја, пренесе „Радио Слободна Европа“.
Препорачано
Еве што напиша Вучиќ во честитката:
„Во име на граѓаните на Република Србија и во мое лично име, ви го честитам националниот празник – Денот на Русија, уверен дека пријателските односи меѓу нашите две земји, како и нашата сеопфатна соработка, ќе продолжат успешно да се развиваат во заеднички интерес и за заедничка корист. Верувам дека нашата неодамнешна средба во Москва, преку отворен и суштински разговор, даде значаен придонес за ова. Ја користам оваа можност уште еднаш да ја изразам мојата благодарност до Руската Федерација и до вас лично, господине претседателе, за вашата принципиелна поддршка за зачувување на суверенитетот и територијалниот интегритет на Република Србија, како прашање од витално значење за нашите државни и национални интереси. Ве молам, Ваша екселенција, прифатете ги изразите на мојата посебна благодарност“.
Денот на Русија се слави во земјата на 12 јуни од 1992 наваму. На овој датум, усвоена е декларацијата на независноста на Русија по распаѓањето на Советскиот Сојуз.
