Вториот ден од Балканското Опен првенство во Атина, Грција, донесе и нови возбудувања и голема радост. Македонскиот репрезентативец Зоран Колевски во конкуренција од 15 борци стана балкански шампион.

Колевски (У21) во категоријата до 62 кг. на стартот запиша победа над Алекс Гундерсон од Швајцарија (50-0).

Потоа, нашиот натпреварувач со 11:4 го совлада Романецот Андреи Кристиан Стан, па со 50-0 го елиминираше Константинос Баласкас од Грција.

И во финалето за златниот медал Колевски со 50-0 славеше против Алфонсо Вазкез Рамос од Шпанија.

Македонската џиу – џица Федерација му честита на Зоран Колевски за овој одличен успех со желби за уште поголеми победи и успеси.

Претходно нашата земја се закити со уште едно злато, во женска конкуренција балканската титула ја одбрани Катерина Ацевска.

Катерина Ацевска ја одбрани титулата балкански шампион во џиу – џица