Денеска Формула 1 официјално наполни 75 години. Првото гран-при во историјата се одржа во Силверстоун во Обединетото Кралство. Џузепе Фарина победи на Алфа Ромео, а подоцна беше крунисан за светски шампион во првата сезона на натпреварувањето.

Во 1950 година, британското гран-при беше првиот чекор во долгото патување на Формула 1 до овој момент. Таа сезона, вкупно беа организирани само седум трки. За споредба, шест гран-при трки веќе се завршени во 2025 година, а седмата треба да се одржи претстојниов викенд во Имола. Моментно, Оскар Пјастри води во пласманот на возачи, 16 поени пред Ландо Норис и 32 поени пред Макс Верстапен.

Веќе во текот на првата сезона неколку од денешниве познати трки беа домаќини на гран-при заедно со Силверстоун, вклучувајќи ги оние на Спа-Франкоршан и Аутодромо Национале Монца.

75 Years.

In the blink of an eye.#F1 pic.twitter.com/WFJSq2orMA

— Formula 1 (@F1) May 13, 2025

Низ годините во Формула 1 доминираа повеќемина големи шампиони. Хуан Мануел Фанџо го постави темпото со пет светски титули во 1950-тите, а потоа следеа многу познати ривалства, вклучувајќи ги и оние помеѓу Ники Лауда и Џејмс Хант, односно Ајртон Сена и Ален Прост.

Михаел Шумахер доминираше со Ферари на почетокот на новиот век, а потоа Луис Хамилтон и Макс Верстапен, исто така, продолжија да ги полнат листите со рекорди.

Heroes, legends, idols.

34 champions and counting since the dawn of F1 in 1950 👑#F1 #F175 pic.twitter.com/2bnnRsCy9T

— Formula 1 (@F1) May 13, 2025

Прославувајќи го својот роденден, Ф1 објави видео на социјалните мрежи во кое ги разгледува сите клучни моменти, од несреќи до најголемите возења и возачи.