Со натпреварите во групите Е,Ф,Г, и Х денеска започнува новата сезона во Лигата на шампионите.

Првиот ден во елитното натпреварување ќе помине во знакот на дербито во Е групата помеѓу Барселона и Баерн Минхен, екипи кое заедно тежат 13 европски титули.
Барселона по прв пат по 17 години, односно од 2004 година ќе игра без Лионел Меси кој се пресели во ПСЖ, а со неговото заминување каталонскиот тим повеќе не е меѓу главните фаворити.

Прв противник е германскиот шампион кој во 2020 година ја освои титулата, а во новата сезона влегува со нов тренер во Јулијан Нагелсман, и со шампионски амбиции.
За прв пат Барселона нема да биде фаворит дури ни на „Камп Ноу“ бидејќи тренерот Роналд Куман освен што остана без Меси, за вечерашниот натпревар нема да може да смета ниту на повредените Агуеро, Брајтвајт, Дембеле, Фати, Роберто, а неизвесен е настапот на Алба и Дест.

Згора на тоа, каталонците не го паметат по добро последниот меѓусебен натпревар против Баерн Минхен кој заврши со неверојатни 8:2 за баварците.

Бранителот на трофејот, Челси на „Стемфорд бриџ“ го пречекува Зенит, додека амбициозниот Манчестер јунајтед кој се засили со Кристијано Роналдо му гостува на Јанг Бојс.

Двојки за вечерва

Група Е
Динамо Киев – Бенфика
Барселона – Баерн М.

Група Ф
Јанг Бојс- Манчестер ј.
Виљареал – Аталанта

Група Г
Севиља – Салцбург
Лил – Волфсбург

Група Х
Челси – Зенит
Малме – Јувентус