Маж од Солун забележал статуа од хеленистичкиот период завиткана во црна кеса, во близина на канта за ѓубре. 32-годишникот во саботата навечер, веднаш потоа ја предал статуата на Одделот за криминална истрага и прогон во Термаикос.

За наодот бил информиран археолог од надлежниот Оддел за антиквитети, кој ја прегледал статуата и констатирал дека таа спаѓа под соодветната законска регулатива. Како таква, статуата е преземена од службеници од Бирото за заштита на културното наследство на Одделението за борба против трговија со луѓе и стоки, кои го истражуваат случајот.

Во исто време, Дирекцијата за борба против организираниот криминал на Северна Грција води прелиминарна истрага за случајот. Античката статуа ќе биде испратена на лабораториско испитување во Дирекцијата за криминалистички истраги на Северна Грција, а потоа на чување и проценка до надлежниот Оддел за антиквитети.