Редовно вработените лица на Клиниката за токсикологија ги демантираа наводите во изјавата на групата од 14 лица кои немаат статус на вработени, а која што ја пренесе Министерството за здравство, дека проф. др Нико Беќаровски ги навредувал колегите Албанци вработени на Клиниката.

„Најостро реагираме и ги демантираме информациите изјавени во неколку медиуми од министерството за здравство и сме должни на јавноста да ѝ појасниме дека какви било навреди или притисоци на Албанци кои претходно беа ангажирани со договор на дело, од страна на проф. др. Нико Беќаровски не се упатени“, пишува меѓу другото во реакцијата од вработените.

Претходно се огласи и самиот др. Беќаровски кој најави тужба против министерот за здравство Илира Демири за нанесена штета неговата чест и углед доколку во рок од 24 часа јавно не се огради од објавата на сајтот на Министерството за здравство.

Министерот за здравство Илир Демири заработи тужба за клевета од доктор Нико Беќаровски