Вработени од „Улици и патишта“ протестираа за плата, од претпријатието тврдат дека протестот е политички мотивиран
Дел од вработените во ЈП „Улици и патишта“ денеска протестираа пред бараките на Град Скопје незадоволни што до 20 декември сè уште не земале плата за ноември, а бараат да им се исплати и К-15.
Препорачано
-
1
-
2
-
3
На протестот, организиран од Независниот синдикат на претпријатието при КСОМ, вработените се пожалија дека претпријатието е во тешка финансиска состојба, со големи долгови кон добавувачите поради што му е блокирана сметката, дека немаат материјални средства за работа. Тие побараа итно да им се исплати платата и да се одблокира сметката на претпријатието и да се создадат услови за работа. Се заканија доколку не добијат плата, од понеделник со механизација ќе излезат на улиците и дека ќе ги исклучат семафорите за да се блокира цел град.
Но, од ЈП „Улици и патишта“ тврдат дека платата веќе е исплатена и обвинија дека протестот е политички мотивиран и дека ВМРО-ДПМНЕ продолжува да прави криза во сите јавни претпријатија, па така, денеска и во ова јавно претпријатие.
– Мицкоски треба да ги информира дека за линеарно зголемување плата и К-15, што се барања на синдикатот одлука носи Управниот одбор на претпријатието чии членови се избрани токму од ВМРО-ДПМНЕ. Воедно само на претседателот на синдикатот КСОМ Марјан Ристески, му е нејасно зошто е пред бараките на град Скопје, кога одлуките кои ги бара ги носат членовите на Управниот одбор на ЈП „Улици и патишта“ Скопје избрани од ВМРО-ДПМНЕ. Претседателот на синдикатот Марјан Ристески, треба да се изјасни зошто не се бори за правата на вработените во државното претпријатие „Железници“ каде работи, на кои со месеци им се доцни со плата – се вели во соопштението од ЈП „Улици и патишта“.
Оттаму додаваат дека е јасна целта на Мицкоски и на ВМРО ДПМНЕ, а тоа е дека сè додека насилно не ги преземат скопските јавни претпријатија, активно ќе ги напаѓаат секој ден со цел креирање нови кризи, па дури, како што тврдат, ќе организираат и протести за плата во претпријатија каде истата веќе е исплатена.
Наместо да ги викнат луѓето на разговори, кажуваат – притисоци. На кого притисоци? За што притисоци? Плата бараат. Во денешно време да немаш плата.. за што работиме ние сите, праша Ристески.
