Воз кој превезувал опасни материи излетал од шините во близина на границата Аризона-Калифорнија, но сè уште нема информации за излевање, јавува „Си-Ен-Ен“.

Воз кој наводно превезувал опасни материи излетал од шините во округот Мохаве, Аризона, потврди портпаролката на канцеларијата на шерифот. „Во моментов не е забележано излевање, иако водата тече низ областа од неодамнешните бури“, рече портпаролката Анита Мортенсен.

Ова е трета железничка несреќа од ваков тип во САД во последниот месец. Пред една недела воз излетал од шините во Западна Вирџинија, при што беа повредени тројца членови на екипажот и се истурил дизел гориво во блиската река.

Пред еден месец, во градот Источна Палестина, Охајо, се случи опасно излетување на воз од шините, испуштајќи потенцијално опасни хемикалии во почвата, воздухот и водата.