По првиот натпревар во вториот дел од сезоната екипата на Воска Спорт го отпушти тренерот Миљан Радовиќ.

Воска на отворањето на вториот дел од сезоната беше поразена со 3:0 од Шкупи, а раководството по таа средба одлучи да се раздели со црногорскиот стратег.

Очигледно, иако Шкупи има квалитет и атакува на титулата во ПМФЛ во Воска тој пораз го сметаа за доволен аларм да се одлучат да ја прекинат соработката.

Воска по одиграни 19 кола е на 10. место на табелата со 20 освоени бодови. Во овој момент тие се на учинок од пет победи, пет нерешени средби и девет порази.