Компанијата Волмарт соопшти дека ќе престане да продава муниција за пиштоли и некои автоматски пушки во продавниците ширум САД, како одговор на неодамнешните масовни убиства во Тексас и Охајо.

Волмарт, најголемиот американски продавач на оружје, како и другите корпорации, се повеќе се вклучува во дебатата за оружје и безбедност.

Компанијата, како и нејзините конкуренти „Фред Мејер” и „Дикс спортинг гудс”, веќе ја прекина продажбата на автоматски пушки и ја зголеми староста на купувачите на 21 година.

Американската банка минатата година соопшти дека повеќе нема да дава заеми на компании кои произведуваат воено оружје за цивили, додека авиокомпаниите Делта и Јунајтед наведоа дека веќе нема да даваат попусти на Националното здружение за оружје.