Лионел Меси нема намера да се враќа во Барселона и тоа е конечна одлука, неговиот татко Хорхе ја озвести Барселона дека нема намера да се појави на тренинзите.

Доколку денеска се појави на закажаните медицински прегледи тоа ќе значи дека Меси го признава договорот со клубот, што е спротивно на тврдењето на неговите адвокати кои сметаат дека пандемијата на коронавирусот го одложи крајот на сезоната и Аргентинецот е слободен да си замине до 31 август.

Меси сакаше да избегне војна, сакаше мирно да се раздели со клубот во кој е дел цели 20 години, но наиде на ѕид во неспособниот претседател Хосеп Марија Бертомеу.

Бертомеу за навивачите и медиумите е најголем виновник за кризата во клубот, понуди оставка доколку Меси остане, но самиот фудбалер веќе одлучи тој да го напушти „Камп Ноу“.

Клубот не сака да попушти и одлучи да направи нов чекор со кој и дефинитивно ќе го избрка Меси од Барселона, имено доколку не се појави на подготовките Аргентинецот ќе биде суспендиран на десет дена, а потоа ќе следи и парична казна од 7% од месечната плата.
Тоа значи дека Меси ако не се појави до крајот на неделата ќе биде казнет со неверојатни 10 милиони евра.