Поради повеќедневниот пожар на планината Серта кој гори на непристапен терен но и големата површина која е зафатена од огнената стихија утрово на терен интервенира воен хеликоптер со цел да се спречи негово понатамошно ширење.

Од Центарот за управување со кризи – ЦУК, информираат дека нешто подоцна ќе се интервенира и со два Ертрактори.

„Како засилување на силите кои гаснат од земја, еден армиски хликопетер започна со дејство врз пожарот на планината Серта додека полицискиот хеликоптер се подготвува да полета. Два ер-трактори кон Серта ќе полетаат во 10 часот“, најави утрово директорот на ЦУК, Стојанче Ангелов.

Ситуацијата со пожарите се чини дека станува драматична имајќи предвид дека се ангажирани голем број на пожарникари од различни страни на планината, а најкритично е кај неколку села кои се во атарот на Општина Неготино.

Кризниот штаб на Неготино синоќа упати апел до граѓаните да ги расчистат тревните површини од пред домовите, дворовите и другите објекти поради опасноста од ширење на огнот.

Kризен штаб Неготино со препораки до домаќинствата, се уште гори на планината Серта