Актерката Шенон Доерти се обрати на јавноста со лоши вести за нејзиното здравје.

Откако откри дека ѝ бил дијагностициран рак на дојка во стадиум 4, во февруари 2020 година, актерката во вторникот објави дека скенот направен на 5 јануари покажал дека има метастази на мозокот, пишува Пипл (People).

Според Клиниката Мајо (Mayo Clinic) состојбата се јавува кога клетките на ракот се шират од нивното првобитно место до мозокот.

„На 12 јануари го имав првиот круг на зрачење“, објасни таа заедно со видеото на Инстаграм на кое таа прима терапија со зрачење.

„Мојот страв е очигледен. Јас сум екстремно клаустрофобична и толку многу работи се случија во мојот живот. Среќна сум затоа што имам одлични лекари како д-р Амин Мирахди и неверојатните технологии во Cedar Sinai“, продолжи таа.

„Но, тој страв… Превирањата….. тајмингот на сето тоа…. Вака може да изгледа ракот“.

Објавата на Доерти доаѓа откако таа претходно сподели видео на Инстаграм на на кое се подготвува за медицински третман со наслов „9 јануари 2023 година“.