„Верувам дека ништо на овој свет не се случува без причина. Луѓето се менуваат за полесно да ги пуштиме да си одат, кога работите ќе тргнат наопаку, ние учиме да го цениме животот повеќе“, кажала некогаш Мерилин Монро.

Во животот сè се случува со причина. Оваа или слична реченица сите сме ја слушнале, но истата најдобро ја опишал славниот филозоф Аристотел пред неколку илјади години. За него, во животот отсекогаш имало само две константи. Универзумот постојано се менува. Секогаш се развива, а она што денес е точно не мора утре да се смета за вистина.

Аристотел верувал дека работите во животот ни се случуваат со некоја причина, дури и ако во тој момент нивното значење не ни е објаснето.

За секој избор што го правиме, како и сè што произлегува од тоа, секоја личност што влегува во нашите животи и секојa што ќе ги напушти, за апсолутно сè, има некоја причина. Сè што се случува влијае на развојот на нашата личност и од секоја ситуација учиме по нешто.

Вистина е дека, без оглед на тоа како се обидуваме да преземеме контрола врз нашите животи и да влијаеме на некои настани, некои работи едноставно се надвор од нашите можности.

Психијатарот Ралф Луис објаснил вака:

„За време на мојата психијатриска пракса, многу пати забележав колку силно ваквото размислување има моќ да ги мотивира луѓето, а тој ефект може да биде и позитивен и негативен: може да ја зајакне одлучноста на една личност или да доведе до разочарување од сопствениот живот. Оние кои веруваат дека се родени со недостаток на среќа, наместо да веруваат дека се случуваат лоши животни околности за да научат нешто од нив, тие реагираат на негативните работи очајувајќи и прашувајќи се зошто им се случуваат вакви работи“.

Ставот дека сè се случува со причина им помага на луѓето да поминат низ тешки моменти. Одредени работи се предизвикани од нашите сопствени грешки и лоши проценки, но ние навистина немаме моќ да влијаеме на некои настани, се согласуваат сите психолози и науката.

Работите што не се под наша контрола се случуваат од една од следниве причини:

Тоа ни овозможува да продолжиме понатамуу и да напредуваме

Кога одредени работи не одат како што би сакале, жалиме и тоа е сосема нормално затоа што сите сме луѓе. Кога ќе преживееме загуба , разочарани сме и тешко се справуваме со тоа. Кога ќе ја прифатите реалноста, ќе сфатите дека таа затвора едно поглавје од вашиот живот и ви овозможува да свртите нов лист, преминувајќи кон нешто ново и подобро.

Ја ублажува болката

Понекогаш токму кога се чини дека сме на самото дно, одеднаш наоѓаме доволно сила во себе да се издигнеме. Верувајќи дека загубата не е бесмислена, си даваме можност на излекување.Тоа ни дава шанса да го преиспитаме животот.

Кога ќе се фокусирате на малите чекори со кои чекорите наместо да го погледнете целиот пат што треба да го поминете, ќе биде полесно да се движите напред. Еден ден ќе ја достигнете целта дури и без да ја забележите.

Со избирање на верувањето дека сè во животот има повисоко значење и дека некои работи се дел од судбината, си дозволувате да бидете поотворени, давате можност да го видите светот околу вас не како што е сега, туку како што ќе биде во иднина.

Тие нè водат кон моменти кои можат да го одредат идниот тек на животот

Ако некогаш сте доживеале моменти на неопислива јасност, моменти во кои целиот живот одеднаш имал смисла, знаете за што станува збор.

Наместо да се фокусирате на негативата, решивте да верувате дека сè што се случува не е залудно. И кога ќе ги доживеете овие моменти на целосна јасност, ќе почувствувате дека е навистина така. Ќе сфатите дека таквото верување навистина има смисла и колку сте навистина силна личност.

Нè учат на важни животни лекции

Да се вратиме на фразата „универзумот е променлив“. Вие сте дел од Универзумот, што значи дека се менувате со него.

Сите ситуации што се случуваат не учат важни животни лекции. Понекогаш овие лекции се толку важни што можат да ги разбијат сите стари верувања, што ќе ве направи само послободни и подобри.