Денеска се одржува свечена академија по повод 8 Септември – Денот на независноста, во организација на Владата, на која ќе се обрати премиерот Христијан Мицкоски. Преносот во живо од академијата е во тек:

На Свечената академија ќе биде прикажан видео спотот „Везилка“ која вклучува оригинална изведба на песната од Блаже Конески, а програмата ќе продолжи со изведби на дела од македонски автори поврзани со оваа тематика од страна на државниот џез оркестар.

Во рамките на свеченоста ќе биде прикажан и специјално подготвен пригоден видео спот од прославата на независноста кое вклучува архивски материјали од Референдумот во 1991 година.

На крајот од свечената програма, со говор ќе се обрати Претседателот на Владата, Христијан Мицкоски.

Како што претходно соопшти владината прес-служба, настанот е дел од пошироката иницијатива на Владата за подигање на свеста за значењето на независноста и заедничката борба на граѓаните за подобра иднина.