Преземањето на Благодатниот оган се смета за величествен момент којшто ги поврзува верниците ширум светот со светлината на Исус Христос, а се случува во Ерусалим речиси 2.000 години, на којшто чин присуствуваат христијани од целиот свет.

Државна делегација на Република Северна Македонија и црковна делегација на Македонската православна црква – Охридска Архипеископија присуствуваа на појавувањето на Благодатниот оган во базиликата Свет Гроб во Ерусалим, а потоа и лично презедоа оган од Ерусалимскиот патријарх, како благослов за верниците во нашата држава и нашата православна црква, МПЦ-ОА.

Во моментов на Меѓународниот аеродром Скопје, премиерот Димитар Ковачевски и свечената црковна делегација на МПЦ-ОА со почести ги пречекуваат државната и црковна делегација кои го пренесуваат во фенер Благодатниот оган од Ерусалим.