Високо ниво на штетни хемикалии е откриено во зеленчукот од Србија, објави Европскиот систем за безбедност на храна. Станува збор за брокула одгледана во Србија која требало да заврши на хрватскиот пазар. За среќа, пратката била запрена на граница и биле анализирани примероци. Анализата покажа присуство на забранетиот пестицид флуазифоп во сооднос од 0,067 мг/кг, а не смее да го има ниту во траги, објави Даница.хр. После тоа, хрватските инспектори веднаш наредиле уништување на целата пратка со загаден зеленчук, бидејќи претставува потенцијален ризик за здравјето на луѓето.

Податоците од бројни научни студии укажуваат на потенцијалната штета на флуазифопот за луѓето бидејќи може да ги оштети црниот дроб и бубрезите. Кај лабораториските стаорци, контроверзниот пестицид „предизвикал хепатотоксичност, нефротоксичност и промени во функцијата на тестисите посредувани од оксидативен стрес“. Според една студија, тој предизвикал „значително зголемување на биомаркерите на функцијата на бубрезите и црниот дроб (уреа, креатинин, билирубин, алкална фосфатаза, аланин аминотрансфераза и аспартат аминотрансфераза) во плазмата во споредба со контролните стаорци. Сепак, ризикот не може да се игнорира, па затоа ЕУ ја забрани неговата употреба.