Во велешката болница вчера биле донесени две лица искасани од оси, едниот на околу 60 годишна возраст, другиот 30 годишен маж. Повозрасниот маж вечерта починал, додека 30 годишниот, по дадената лекарска помош и соодветна терапија во велешката Општа болница, бил испратен дома.

Во велешката населба Речани вчера, 60 годишниот маж, сега веќе починат, во состојба на кома со возило на Брзата помош бил однесен итно во велешката Општа болница. Како што вчера информираше д-р Милка Панова од Брза помош од Велес, тие биле повикани во 11:05 часот, а кога стигнале, лицето било во кома и без знаци на живот, со повеќе убоди од оси на рацето, лицето и по целото тело.

– Веднаш го реанимиравме и му дадовме соодветна терапија, бидејќи беше очигледно дека лицето е аларгично на оси и итно со нашето возило на Брза помош, а во состојба на кома го однесовме во велешката болница, информира д-р Панова.

Како што информира денеска за МИА д-р Јелена Левкова Ќамилова, портпарол на ЈЗУ Општа болница, тие вчера не знаеле дека истовремено биле донесени двајца пациенти искасани од оси.