Општинската организација на Сојузот на борци на Македонија -Тетово до јавноста испрати соопштение за потсетување на значајниот датум – 19 март 1943 година, кога во градот, во куќата на семејството Јовановци е формирана Комунистичката партија на Македонија и избран нејзиниот Централен комитет.

Од таму информираат дека поради новонастанатата состојба датумот не се одбележува во Музејот на тетовскиот крај, односно во Спомен-куќата на Јовановци во населбата Два бреста.

-На оваа прва седница на 19 март 1943 година донесени се повеќе значајни одлуки за понатамошниот тек на Народноослободителната и антифашистичка војна. Се формираат пет обласни комитети во петте оперативни зони, формирање на поголеми воено-оперативни единици (баталјони и бригади), да се зголеми политичката активност, да се формира штаб на Првата оперативна зона и друго. Централниот комитет го сочинувале Лазар Колишевски – секретар, Мара Нацева- организационен секретар, Кузман Јосифовски – Питу – член, Цветко Узуновски – Абас- член и Бане Андреев – Ронката – член, соопштуваат од Сојузот на борци.

Вообичаено датумот се одбележуваше со положување цвеќе и пригодна културно-уметничка програма