Од СВР Скопје информираат дека вчеравечер околу 22.20 часот во добиле пријава дека на регионалниот пат Драчево-Катланово, во атарот на селото Морани, скопско, автомобил „фолксваген бора“ со скопски регистарски ознаки, управувано од 27-годишен маж од Студеничани удрил во рефлектирачки столб на патот, потоа во ограда и на крај во бандера која паднала врз возилото.

Лекар од Итната помош констатирал дека од здобиените повреди, на местото на настанот починал возачот, а неговиот 22-годишен сопатник, исто така од Студеничани, се здобил со тешки телесни повреди, констатирани во Градската општа болница „Св.Наум Охридски“ во Скопје.

Од МВР додаваат дека е направен увид на местото на несреќата, а по наредба на јавен обвинител, телото на починатиот било дадено на обдукција.