Во пресрет на денешното финале на Купот на Шпанија меѓу најголемите ривали, Реал Мадрид и Барселона, тензиите на шпанската фудбалска сцена достигнаа ново ниво. По вчерашната вонредна прес-конференција на судиите и отворените обвинувања од страна на „кралскиот клуб“, со остра реакција се огласи и претседателот на Ла Лига, Хавиер Тебас.

Иако директно не го спомена по име, Тебас јасно алудираше на првиот човек на Реал Мадрид, Флорентино Перез, критикувајќи ги неговите најнови потези како обид да се изврши притисок врз судиите непосредно пред големиот натпревар.

Ова не е фудбал. Ова е желба за контрола. Не го сака Тебас – затоа што Тебас не прави она што тој сака.
Не го сака Чеферин – затоа што Чеферин не прави она што тој сака.
Не го сака Луис Рубијалес – затоа што Рубијалес не прави она што тој сака.
Не ги сака ТВ-коментаторите – затоа што не зборуваат она што тој сака да слушне.
Не ги поддржуваат реформите во судењето – затоа што не се она што тој сака“.

Ги спомена Тебас и последните потези на гигантот од Мадрид.

„Како реагирааа? Со откажување.
Го откажуваат тренингот.
Ја откажуваат прес-конференцијата.
Ги откажуваат официјалните активности на Купот.
Им пушта на своите медиуми дека можеби воопшто нема да игра.“

„Тој не протестира – тој врши притисок.
Тој не се жали – тој се заканува.
Тој не изразува несогласување – тој казнува.
Тој не сака да го подобри фудбалот – тој сака да го поседува фудбалот.“