Институтот за јавно здравје на Србија „Д-р Милан Јовановиќ Батут“ соопшти дека во Србија се регистрирани вкупно 32 случаи на мали сипаници.

На територијата на град Белград, како дел од епидемијата пријавена на 22 февруари, регистрирани се 27 случаи на морбили, од кои 23 се потврдени во Референтната лабораторија на Институтот за вирусологија, вакцини и серуми „Торлак“, а четири болни лица биле семејни контакти на лабораториски потврдениот случај.

Меѓу заболените има седум деца на возраст од една до пет години, од кои шест невакцинирани, а едно примило една доза од вакцината со компонентата за морбили, десет невакцинирани лица на возраст од 8 до 25 години, едно целосно вакцинирано лице на возраст од 16 години, како и девет лица постари од 35 години непознат статус на вакцинација. Компликација во форма на пневмонија беше присутна кај тројца пациенти.

Од 7 февруари засилени се мерките за епидемиолошки надзор на мали сипаници на територијата на Србија согласно Акцискиот план за елиминација на оваа болест во земјата. Претходната година во Србија се регистрирани 50 случаи на мали сипаници, најмногу од кои (94 проценти) биле меѓу невакцинирани лица.луѓе.