Во Србија оваа година се регистрирани 16 случаи на западнонилска треска, објавија денеска  здравствените власти.

Како што пренесува Н1, меѓу заболените има осум мажи и осум жени, а просечната возраст на пациентите е 64 години, покажаа најновите податоци од Институтот за јавно здравје на Србија „Д-р Милан Јовановиќ Батут“.

Западнонилската треска е сезонска болест која се пренесува со каснување од заразен комарец, а главен вектор на вирусот е видот комарец „Culex pipiens“.

Сезоната на преносување на западнонилскиот вирус во Србија обично трае од јуни до ноември, посочуваат од институтот.