Во Словенија, во последните 24 часа се потврдени 106 инфекции со новиот коронавирус и не се пријавени смртни случаи, објави во словенечката влада, повикувајќи се на растечкиот тренд на инфекции како резултат на сè поприсутната делта варијанта.

Според епидемиолозите и здравствените власти, земјата „чекори“ кон нов бран, што е поврзано со ширење на позаразната делта варијанта, која според најновите анализи стана доминантна. Досега 37,5 проценти од популацијата ја примиле целосната доза на вакцина потребна за заштита од потешка форма на болеста.

Според регионалната распространетост на делта варијантата, која е најчеста на југоистокот и северозападот, може да се претпостави дека е поврзано со поголеми групи матуранти кои престојувале во летните одморалишта во Шпанија на почетокот на месецот, пренесуваат медиумите.