Шпанските власти, во соработка со Европол, уапсија 48 лица и запленија речиси четири тони кокаин во операција за разбивање на најголемата криминална банда на Канарските Острови, објави Европол.

Покрај запленувањето на 3,8 тони кокаин од Јужна Америка, властите извршија и 29 претреси и запленија уште 69 возила, шест имоти и 100.000 евра во готово.

Во соопштението на Европол се наведува дека бандата увезувала кокаин од Јужна Америка во Европската Унија користејќи софистицирана поморска инфраструктура.

Бандата поседувала 11 глисери кои биле користени повеќе пати , тргнувајќи од стратешки точки во Атлантскиот Океан кон матичниот брод што го транспортирал кокаинот. Откако ќе ја натовареле дрогата во глисери, осомничените ги оставале на Канарските Острови, подготвени за дистрибуција.

Покрај тоа, криминалната мрежа користела сложен шифриран комуникациски систем за да избегне апсење, вклучително и употреба на сателитски терминали, т.е. телефони што тешко се следат, се додава во соопштението