Во првото електронско пријавување на учениците за упис во средните училишта се пријавиле вкупно 15.786 ученици, а запишани се 13.882. И оваа година повеќе запишани ученици има во стручните средни училишта – 9.566, додека во гимназиите се запишале 4.316 ученици.

Од „скопската петорка“, слободни места има во гимназиите „Раде Јовчевски Корчагин“ и „Јосип Броз Тито“, додека конкурсот за запишување ученици е завршен во „Никола Карев“, „Георги Димитров“ и „Орце Николов“. Местата се пополнети и во битолската гимназија „Јосип Броз Тито“. Ова е втора година по ред да не се пополнат местата во овие скопски гимназии.

Првпат после пет години има слободни места во „Орце Николов“, „Корчагин“ и „Јосип Броз“

Првото пријавување на учениците се реализираше преку електронско аплицирање од 20 до 25 јуни 2024 година, ранг листите беа објавени на 26 јуни.

Според Конкурсот за упис во средните училишта, таму каде што на ранг листите има поголем број ученици со исти подоби се организира квалификациско тестирање по наставниот материјал од осмо и деветто одделение. Од Министерството за образование и наука соопштија дека тестирањето ќе се одржи на 5 јули.

Второто електронско пријавување на учениците и доставувањето на потребената документација до училиштата ќе се врши на 1 и 2 јули до 15 часот.

Според резултатите што ги објави МОН, 10.275 ученици ќе посетуваат настава на македонски јазик, 3.358 на албански, 239 на турски и десет на српски јазик.