Американскиот министер за одбрана, Пит Хегсет, се соочува со критики и можни повици за разрешување, објави британскиот „Дејли меил“.

Според наводите, во Пентагон веќе циркулираат нацрти на писмо со кое се бара негова оставка поради, како што се тврди, некомпетентност, политизирани одлуки и нарушена внатрешна дисциплина.

Извори наведуваат дека неговата опсесија со изгледот, наредбите за физички стандарди и занемарувањето на советите од безбедносни експерти создаваат тензии меѓу воените редови.

Дополнително, неговото намалување на програмите за различност во армијата, како и зголемените расистички инциденти, предизвикале загриженост во редовите на одбраната.

Иако Хегсет ужива поддршка од претседателот Доналд Трамп, во Пентагон расте незадоволството од неговото водство, со обвинувања дека повеќе внимание му посветува на медиумскиот имиџ отколку на суштинските прашања за националната безбедност.