Втората годишна конференција „Вмрежување на Инграм и Вендорите#2“ („Ingram & Vendors Networking #2“) што се одржа во Охрид, постигна огромен успех, собирајќи над 100 експерти од ИТ-секторот од Македонија, Албанија и Косово. Во текот на дводневната конференција, експертите говореа за идниот развој на технологиите, во насока на сајбер безбедност, уценувачки софтвер, виртуелизација кои ја поместуваат ИТ-индустријата кон посигурна и безбедна средина за управување со податоци, соопштија организаторите.

„Нашата мисија е да создадеме платформа каде што ИТ вендорите ќе можат да го споделат своето знаење и најновите решенија со клиентите, како и со нашите партнерите во МАК регионот. Светот на технологијата е динамичен и како таков бара постојан проток и размена на информации за да случи промена кај сите“, вели Соња Николовска Евтимовска од тимот „Инграм микро“.

Според нејзината колешка Ивана Србиновска целта на конференцијата е е да се обезбеди богат терен за учење, фокусирајќи се на иновации и вештини.

„Затоа, нашиот Тренинг центар, предводен од експерти од областа, служи како светилник на образовна исклучителност којашто ги подготвува поединците за идните предизвици – вели Србиновска.

За сајбер безбедноста зборуваше Слободан Милидраг кој ја истакна суштината на јакнење на дигиталните средства против сајбернапади.

„Како архитекти на дигитална одбрана, нашата потрага е ранливоста да ја трансформираме во сила, обезбедувајќи бастион на безбедност во дигиталното царство“, објасни Милидраг.