На предлог на вицепремиерот задолжен за добро владеење, Арбен Фетаи, на денешната седница на Владата биле усвоени „важни одлуки за зајакнување на транспарентноста и отчетноста на државните институции“, информираат од кабинетот на Фетаи.

Со денешните одлуки, Владата го задолжила работното тело за спроведување на Стратегијата за транспарентност 2023–2026 во рок од седум дена да подготви измени на акцискиот план, со утврдување нови рокови и надлежни институции за реализација на активностите, се вели во соопштението.

„Меѓу преземените мерки, се издвојуваат три: Министерствата и органите на државната управа во рок од 45 дена ќе ги објават сите информации од одговорените барања за пристап до информации од јавен карактер, анонимизирани, почнувајќи од 24 јуни 2024 година; Органите на државната управа кои немаат веб-страници, ќе ги креираат во рок од 90 дена; Министерствата и другите државни органи ќе ги објават на своите веб-страници внатрешните постапки за јавни набавки“, велат кабинетот на Фетаи.