Изградбата на новиот паркинг простор на улицата Козјак во населбата Кисела Вода е во завршна фаза, информираат од Општината. На улицата, на простор од 400 квадратни метри со овој зафат ќе се обезбедат 25 нови паркинг места.

Решавањето на проблемот со недостиг од паркинг места со кои се соочувавме со години наназад е поставен високо во моите приоритети, а дека е така говори тоа што, иако во мојата програма имав ветено 1000 нови паркинг места, веќе ја достигнавме бројката од 1400 и тоа само за две и пол години. Новиот паркинг на улицата Козјак во населбата Кисела Вода нуди можност за уште 25 паркинг места. Просторот се протега на околу 400 квадратни метри, поплочен е со павер елементи и секако ќе придонесе во безбедноста и удобноста на сообраќајот во мирување – истакна градоначалникот Орце Ѓорѓиевски кој изврши увид во завршните градежни работи.

Тој нагласи дека во периодот што следи вакви градежни активности ќе се изведуваат и во сите останати месни и урбани заедници на територијата на општина Кисела Вода.